( موازين الموت ) الشاعر والزجال الزموري مصطفى امزيل

اي الموازين هاته
بعد ان اختلت الاوزان
واي عرس هذا
بعد ان انتهكت حرمات الايمان
تغاضيتم سبل الحق
وتحليتم بالبهتان
انفقتم امولا خيالية
والفقر يهمشنا والهشاشة والفيضان
استوردتم بالملايين اهل الطرب
من انحاء العالم بالالوان
تتباهوا بالمعاصي والرزية
والدار دار قران
متى تستيقظ الضمائر الحية
وتخمد نيران الطغيان
جائكم بالامس تذكير
وما استوعبتم الدرس
زهقت عشرات الارواح بنغنة كمان
انسميهم شهداء الالحان
تحمستم لشرارة نار
يلتهم لهيبها الفضيلة والاحسان
اي الموازين هاته
بعد ان اختلت الاوزان
واي عرس هذا
بعد ان انتهكت حرمات الايمان
انسجتم بخيوط النفاق رموزا
وشيدتم بكل ساحة وشارع صوان
يا الاهي اخيبة اصابة القوم
ام هو عذاب الرحمان
افتتنتم بالطرب والموازين
وتناسيتم يوم الحساب والميزان
.
الشاعر والزجال الزموري مصطفى امزيل
المعازيز في 2010/5/22 اقليم الخميسات 

.

الادبية المغربية 

.

.

( الحرف حرف ) الشاعر والزجال الزموري مصطفى امزيل . غابة بو وشان المعازيز

( فاجعة والماس الكبرى ) الشاعر والزجال الزموري مصطفى امزيل

فاجعة والماس
بينات على المطمور
مسؤولين بلا احساس
واتغير المنضور
ما عندهم غيرة على الناس
كلها بشاقور وسطور
ابنات واعيالات
ضحايا حرب الطرق
بين والماس وتيداس
اتجلات كل الخرق
ليك الله يا ابلادي
ليك الله
ولا على من اتنادي
الهم بنا غادي
كل مرة ضحايا
ويطعموها
الامر عادي
المركب مخلول
ساير بنا
يشتت فينا
وللزمان يوارينا
ليك الله يا ابلادي
اقليم زمور همشوه
نهبوا خيراتوا وطمروه
وفي اسفينة راشية غرقوه
كل عدراء فيه غصبوها
وكل امليحة دمروها
فاجعة والماس
نكبة وطنية
نكبة انسانية
مستشفيات بلا تغطية
لا اسعاف ولا تنمية
هذا حالك يا ابلادي
بين ذياب واثعالب
وبخيراتك تتلاعب
لا مسؤولين راجحين
ولا منتخبين صالحين
ليك الله يا ابلادي
ليك الله
كلها يلعب على اهواه
والمسكين ليه الله
في ارضك يا زمور
الحق مخفي مطمور
فاجعة والماس اكبيرة
ما جمعاتها
لا ضماضة ولا اجبيرة
واتفضحات السريرة
اتعرات كل مستورة
وجتت على الطريق منشورة
وانت يا قايد لميا
باقي في ادجاجة عميا
لا اطريق امعبدا
ولا ايام امعاك امسكدا
.
الشاعر والزجال الزموي مصطفى امزيل
المعازيز 21 ابريل 2016 اقليم الخميسات المغرب
.
الادبية المغربية
.

( اقليم الخميسات والزيارة الملكية ) قصة قصيرة زجلية من الواقع

كانت الزيارة الملكية مرتقبة  . ومسؤولين زمور شي يطيح وشي ينوض . غرسوا اركايز الضوء في التراب . وغرسوا اشجار امورقة واعلام وطنية . والخيبة ديما خيبة . تبعاتها اكبر موصيبة . في لية من الليالي صبات الشتاء . عرات على المستور . واتفضح كل مسؤول . بان عيبهم واتعرى . وصبحات جرتهم اكبر جرى . 
اتقلبت البردعة على الشواري . واكثار اللغيط وشد ليا نقطع ليك . اش منك يا امزابل طمروها . واش منك يا ازناقي رمموها . شي يزوق الرصيف . والمسؤولين يقراوا اللطيف . حتى شي ازناقي هذا اشحال كانت منسية . ما معروفة غير بالسمية . حن اعليها الله . زفتوا الطريق على التراب . فقداتهم الزيارة الملكية الصواب . اصبح كلشي في الدرسة . ما ابقى يتعرفوا ملسوعين بقرسة . اكثرات الهضرة والتبلبيل . وما القاوا لمصيبتهم ابديل . استاغتو بالجيران . لكن ربي اعمى ليهم لعيان . كلها فين يسوق ابلا فران . حتى مسؤول ما اتلى يشبع انعاس . مهوسين افضحهم رب الناس . تاهوا ما عرفوا ما يرقعوا . صفعة ملكية باش اتصفعوا . واكبارت لحريرة . بالخلعة غيرو للبلاد التصويرة . والساكنة كلها امنين يلغي . لبلاد كانت بهم امهمشة ومقهورة . وفي ظروف وجيزة رقعوها . داروا لعكر على لخونة . كيف بنت المجنونة . وضربات ساعة الحسم . واجل سيدنا الزيارة . وكلها دار يدو اعلى احناكو . يخمم ويراجع اوراقوا . حتى شي متملقين قطعوا الحس . والقضية ما فيها ما يدس . سلط الله اعليهم انواع النحس . اكبار لبلاد كلها فين يشطح . وسرهم بين الانام اتفضح . الله اكبير جبار . افضح اشحال من قمار وشفار . ما عرفوا باش اتبلاوا . وشد اعليهم الحال . بيديهم باش اتكواوا . وكل الثقل اعليهم مال . وبين الاقاليم اتفضح سرهم . وكل الصحف بينات اجهلهم . الله يعطينا اوجههم
.
الشاعر والزجال الزموري مصطفى امزيل 
.

الادبية المغربية 
.

' ان شئت ' الشاعر والزجال الزموري مصطفى امزيل

(( ابراهيم الحداد )) قصة قصيرة زجلية مغربية

سبحان من لين صلب لحديد . وجعلو لعبادوا فخر وتمجيد . بعنايتو سخرو لسيدنا داود . جعلو بيديه اعجينة واحكايتو تتعاود . من الانبياء اتورثت اصنايع وحرافي . بجاه العالي لكريم الوافي . كان ابراهيم الحداد من الاخيار . يبدى اعمالو بالصلاة على النبي المختار . بعد ما يتوكل على الله لكريم المنان . يشعل النار وينفخ بالنافخ اعليها مزيان . يوضع فيها صلب لحديد . يصنع بها كل نافع واجديد . كان حبو لعملو به اجدير . يخدم كلشي على حقو بالتقدير . ما كان يغش ولا يراوغ حد . كان يتفانى ويعمل بجد . صنعتو هي راس مالو . ديما مديها في اشغالو . كان بين لمطرقة والسندان . يبدع من لحديد اشكال والوان . اصفيحة اقفل قراقية وزكروم . ساقطة خوخة وكل صالحة واتروم . كان لمعلم ابراهيم الحداد . يخدم على لحفاد والاولاد . لوليدات اقراوا ونجحوا . وفي احيتهوم كلهم فلحوا . كان الشمل ديما مجموع . والخير على اوجوههم مطبوع . كلشي خدام والجو باقي مزيان . اطبيعت لمغاربة لقدام ازمان . ما كان الفرق بين النسا والدراري . باقة عولة وحدة والبركة اتداري . كل اولادوا اتعلمو الحرفة . حتى الاحفاد جعلوا منها تحفة . كلهم الله يبارك يبهروك . حرفة بوك لا يغلبوك . الحرفة الى ما اغنات اتعيش . والاسواق الخاوية ديما اتطيش . الصنعة حرفة طاعة واعبادة . تجعل القيمة لبنادم وسيادة .
.
الشاعر والزجال الزموريمصطفى امزيل

 المعازيز في 2012/12/24
اقليم الخميسات المغرب

.

الادبية المغربية

.