الطفولة يلزمها اعناية
هي غاية كل غاية
رضاعة احضانة واهتمام
تربية تعليم والمام
حنان الام مالو امثيل
محبة ريعها اطويل
احليب الام صحي
بالغالي والنفيس ضحي
يخلي رابط الابوة امثين
اول مدرسة هما الوالدين
الطفولة رحمة من الكريم
احسن نبتتها في السليم
ربي طفلك في صباه
علمو الطريق لمولاه
حاول انطقو لحروف
هو غاية المعروف
وريه يغسل اطرافو ويديه
اسهر اعليه وراعيه
اجعل منو انسان
وجهو لكل خير واحسان
سايرو خطوة بخطوة
اجعل منو للمستقبل قدوة
الطفل ريع ربحو كافي
لخدمتو كون وافي
ربي فيه الاخلاق الحميدة
علمو طرق للحياة اجديدة
اخلاق السنة والقران
وحب العلم والوطن
بالعلم وجهو للخير
ساير معاه كل تغيير
رافقو في اطريقو وصاحبو
اضحك معاه ولا عبو
ضحي من اجلو ليل وانهار
لا اتخليه في حياتو منهار
لا تبخل عن تعليمو يوم
وبعد اعليك كل لوم
.
الشاعر والزجال الزموري مصطفى امزيل
.
الادبية المغربية
.
ليست هناك تعليقات:
إرسال تعليق